Maktaba ya Mkoa - Arusha mmh!

Huwezi kuamini kuwa hii ndiyo maktaba ya mkoa wa Arusha (Arusha Regional Library). Ni ndogo na haina 'facilities.' za kutosha.Sote tunafahamu jinsi watu wa Kaskazini wanavyotoa kipaumbele katika masuala ya elimu na kwa kuzingatia vichwa vinavyotoka katika ukanda huu wa nchi yetu na uwekezaji unaofanywa, watalii wanaotembelea ukanda huu pamoja na 'watu wa mawe' waliopo Arusha wasomi na taasisi za kitaifa na kimataifa hakika wanahitaji maktaba ya kisasa.

Ilifika zamu ya Henry

Henry ni Mhandisi wa Kilimo kijana aliyajiriwa katika Wizara ya Kilimo Chakula na Ushirika takribani miaka miwili iliyopita.Kwa muda wa majuma mawili yuko ESAMI - Arusha akijengewa uwezo kwenye masuala ya jinsia hasa katika uandaaji wa bajeti. Pichani anaonekana akitoa maelezo kuhusu moja ya taarifa za wizara kujaribu kuangalia kama zina mtazamo wa jinsia (Gender sensitive)

Chama Kikuu cha Ushirika Arusha

Hilo ni jengo la makao makuu ya Chama cha Ushirika Arusha. Arusha ni mkoa maarufu kwa mazao ya chakula na biashara. Zao kuu la biashara ni Kahawa na mazao ya chakula ni mahindi,maharage,ngano. Aidha mkoa huu huzalisha kwa wingi mboga mboga (nyanya, vitunguu, mchicha n.k.)hivyo inahitaji chama imara cha Ushirika

Mawasiliano ni pamoja na kutumia mbao za matangazo

Kwenye taasisi yoyote ni vizuri kuwa na utaratibu wa kuwa na mbao za matangazo na kuweka matangazo muhimu. Ndivyo ilivyo kwa ESAMI

Ni vyema kulitunza gari

Wengi hununua magari lakini ni wachache wanajua kutunza gari hasa kulifanyia usafi.Banzi wa Moro aliikuta familia hii ikisafisha corolla yao hata mama alishiriki pia.

Ni wakati wa kuwasilisha

Mafunzo yetu hapa ESAMI ni kwa vitendo tunapata nyenzo (skills) kisha tunazifanyia kazi na kuwasilisha kazi pia tunajadili kwa pamoja. Pichani dada Baye akiwasilisha moja ya kazi ya kikundi siku ya Alhamisi tar 12/1/2012

Barbershop kali Arusha

Hii ni moja ya Barbershop ya kisasa katika jiji la Arusha inapatikana barabara ya Selian kwenye jengo la NHC. Ni barbershop ya ukweli mwanangu kichwa na ndevu tsh 4000/- unaambiwa jumamosi ipo fulu fulu!

Arusha inawekeza kwa Hotels

Ujenzi wa Hoteli zenye hadhi ya kimataifa unaendelea kwa kasi kubwa katika jiji la Arusha ili kukidhi mahitaji. Hivi ndivyo Banzi wa Moro alivyoona akiwa katika jiji hilo.

Washiriki wa Gender Budgeting Training - ESAMI

Washiriki wa Gender Budgeting wakijadili jambo.

Na hapa ni nyumbani kwetu

Hapa ni nyumbani kwa watoto wangu. Nyumbani kwa bibi yao, Arusha Olerein

Jua limekausha mahindi ya Arusha

Wenyeji wa Jiji la Arusha wanatabia ya kulima mahindi pembezoni mwa nyumba zao. WakatI Dar mafuriko.Arusha ni jua kali. Pengine watapata mahindi ya kuchoma tu.

Hotel Pallsons Arusha

Hapa ni katikati ya Jiji la Arusha. Hapa ni kama Kariakoo ya Dar Es Salaam mipango mingi ya biashara hufanyika hapa.Umeshawahi kusikia hotel Pallson ndilo hilo jengo la njano.

Arusha wanavyothamini elimu

Jiji la Arusha limejaa taasisi nyingi za elimu za kitaifa na za kimataifa. Kuanzia elimu ya msingi wazazi wanajali sana. Pichani wazazi pamoja na walezi wakiwavusha watoto wao sehemu ya Relini barabara ya Njiro kuelekea shuleni.

Hii ndiyo ESAMI Bwana

Nipo A town kwa kujengewa uwezo wa kuchambua masuala ya jinsia hasa katika bajeti.East and South Africa Management Institute (ESAMI)ndiyo wanaoendesha mafunzo haya kwa wafanyakazi 6 kutoka Wizara ya Kilimo Chakula na Ushirika. Chuo hiki kwa kweli ni cha aina yake katika Bara letu la Afrika na kimebobea katika masuala ya menejimenti- sekta mbalimbali.

Jiji la Arusha

Ndivyo Banzi wa Moro alivyolikuta jiji la Arusha leo asubuhi. Ni kavu mahindi yanakauka lakini maisha yanaendelea.

Mwenyeji wa mwaka mpya 2012

Hasbon Makishe (Pichani mwenye kinywaji)na familia yake walikuwa wenyeji wa mwaka mpya 2012

Mkesha wa mwaka mpya nyumbani kwa Makishe

Akina mama wa wa 'KIUKI' (Kikundi cha Umoja Kisemvule)baada ya kuwandalia wageni msosi wa mwaka mpya 2012

Kuelekea Mwaka mpya 2012

Watoto Dan Makishe na Maria Banzi wakivuka kidaraja kinachounganisha nyumbani kwa Makishe na Banzi huko kijijini kwao Kisemvule, Mkuranga mkoa wa Pwani

Zawadi ya Kwanza ya 2012

Tarehe 1/1/2012 rafiki yangu Bleshi wa Kisemvule alinizawadia Nanasi moja kubwa. Mimi nadhani hii ni zawadi yangu ya kwanza ya mwaka 2012. Ni nanasi kubwa lilivunwa kutoka kwenye moja ya mashamba ya wakulima wadogo wa wilaya ya Mkuranga mkoa wa Pwani. Kila mmoja alitaka kupiga picha akiwa na nanasi hilo.

2012

Mimi na watoto wangu Sity na Catherine tulimshukuru Mungu kwa kuhudhuria Ibada ya misa takatifu Kanisani Vikindu